Ақтөбе облысында малдарға пастереллезге қарсы екпе жұмыстары жүргізілуде

Ақтөбе облысында белгісіз себептерден шығынға ұшыраған малдың саны 45-ке жетті. Әйтеке би ауданының «Құмқұдық» шаруа қожалығы 29, «Шыңғыс» қожалығы төрт жылқысынан айырылды.

Сондай-ақ, көршілес жатқан Ырғыз ауданында 10 сиыр мен үш жылқы қырылған.

Облыстық Ауыл шаруашылығы басқармасы қызметкерлерінің айтуынша, бұл жерлерге ветеринар мамандар мен Алматыдан арнайы келген ғалымдар тобы барып, сынамалар алған.

Оның нәтижесі алдағы 3-4 күнде ғана белгілі болады. Қазір екі аудандағы ірі қара малдарға пастереллезге қарсы екпе жұмыстары жүргізілуде.

Жақсыбек КЕМАЛ