Ақтөбе облысында «Мерейлі отбасы» байқауына қатысуға 44 жанұя өтініш берген

Әнмен әрленіп, күймен көмкерілген кешті тамашалуға келгендердің қарасы мол болды. Олардың дені байқауға қатысушылардың жанкүйерлері.

Жеңімпаздар арнайы дипломдар және бағалы сыйлықтармен марапатталды. Ал, ең үздік отбасы болып Қарғалы ауданынан келген Кофлерлер мен ойылдық Жакиевтер танылды.

85 жастағы Сағидолла Жакиевтің берік шаңырақтың іргесін қалағанына биыл 60 жыл болды. Ол өмірінің 65 жылын ұстаздық қызметке арнаған. 11 баласының төртеуі әке жолын қуған. Бақытты ата бүгінгі күні 22 немере мен 5 шөберенің қызығын көріп отыр.

Жақсыбек КЕМАЛ