Биыл Қызылорда облысында «Балапан» бағдарламасы аясында бүлдіршіндер балабақшамен толық қамтамасыз етіледі

Қызылорда облысында бес балабақша жаңа технологияларды оқу процесіне енгізу үшін сынақ ретінде таңдалды. Соның біреуі – «Ертарғын» балабақшасы.

Балабақшада бүлдіршіндердің жан-жақты дамуына барлық мүмкіндіктер қарастырылған. Мұнда бірнеше үйірме жұмыс істейді.

Арт-терапия, шахмат үйірмесі бар және балақалайлардың бимен машықтануына да болады. Ал, олардың денінің сау, шымыр болуы үшін арнайы жаттығу залы жабдықталған.

Қызылорда бала туу көрсеткіші бойынша елімізде алғашқы үштікте. Сондықтан да балабақшаға сұраныс жоғары. Сәйкесінше, сұранысты қанағаттандыру көрсеткіші де көтерілуде.

2013 жылы «Балапан» бағдарламасының орындалуы – 80,9 пайыз болса, биыл оны 100 пайызға жеткізу межеленген.

Ақерке БЕРІКБЕКҚЫЗЫ