Қызылордада «Атамекен» отбасылық үлгідегі балалар ауылы бой көтерді

Балалар үйінің тәрбиеленушілері енді осы жаңа мекенде, жанұяның жылуын сезініп, ержететін болады.

Ауылда барлығы 65 бала тұрады. Олардың ең кенжесі 3, ал үлкені 17 жаста. Жас айырмашылықтарына қарамастан, олар өзара тату, бір атаның баласындай өсіп келеді.  

Балалар тұратын баспана екі қабатты. Әр үйде 8 баладан. Бөлмелер замануи үлгіде жабдықталған, өмір сүруге барлық жағдай жасалған. Балақайлардың көңілі көтеріңкі.

Балалар ауылы бизнестің әлеуметтік жауапкершілігін арттыру негізінде «ПетроҚазақстан» компаниясының қаражаты есебінен салынған.  

Ақерке БЕРІКБЕКҚЫЗЫ