Қазақстан-Қытай шекарасында Халықаралық автошеру басталды

Қазақстан тарапының қолдауымен Халықаралық автошеру басталды.

Қытаймен шекарадағы «Қорғас» бекетінен бастау алған көліктер керуені 10 күнде Алматы-Бішкек-Джалал-Абад- Душанбе-Қорған-Төбе қалаларын жүріп өтеді.

27 көліктен құралған керуен Ұлы Жібек жолының бір тармағын аралайды. Автошеру Тәжік-Ауған шекарасында аяқталады.

Автокеруеннің 100-ден астам мүшесі жаңа жолдардың сапасын бақылап, сараптама жасамақ. Шара мақсаты -  Еуразия кіндігінде орналасқан Қазақстан мен Орталық Азиядағы транзиттік көлік әлеуетін дамыту.

Дәурен ДАРИЯБЕК