Петропавлда Корольковтар әулеті 25 жылда 46 баланы бағып-қағып, өмір жолына қанат қақтырған

Корольковтар отбасы өз кіндігінен тараған 3 баладан басқа, тағы 46 ұл-қызға қамқор болуда.

Барлығы да бұларды «мама-папа» деп еркелейді. Оның арасында орысы да, қазағы да, армяны да бар.

«Ешқайсысын да бөліп-жарған емеспіз, мақсатымыз оларды туған ата-аналарындай аялап өсіріп, барынша қамқорлық көрсету» - дейді Тамара Королькова.

«Мемлекет қанша қамқор болғанымен ата-ананың жан жылуын алмастыра алмайды. Балаларды бауырға басудағы мақсатымыз да осы еді. Олардың интернатта емес, кәдімгі отбасында өскенін қаладық», - дейді мейірбанды ерлі зайыптылар.

Сағындық СӘБИТҰЛЫ