Миллиондаған адамның өмірін ойран еткен тоталитаризмнің ашылмаған құпиясы әлі көп - Ғалымдар

«Коммунистік режимнің кесірі - қазақтың демографиялық өсімін тежеді. Ашаршылық пен қуғын-сүргін болмағанда, қазақтың саны 20 миллионнан әлдеқашан асып кетер еді.

Бүгін Астанада өтіп жатқан «Қазақстандағы саяси қуғын-сүргін және ашаршылықтың алғышарты мен себептері» атты жиында ғалымдар осындай пікір айтты.

Конференцияға қазақстандық ғалымдардан бөлек, Қырғыз Республикасы мен Украинадан да зерттеушілер келді.

«Миллиондаған адамның өмірін ойран еткен тоталитаризмнің ашылмаған құпиясы әлі де көп. Осы зұлматты қоғамдық-саяси құбылыс құрбандарының санына қатысты бірнеше болжам бар», дейді олар.

Жиында белгілі болған жаңа мәліметтерге қатысты ой-пікірлер талқылануда.

Тоғжан ЖАЛҒАСБЕКҚЫЗЫ