Теміртау қаласында БТР «Lada Priora» автокөлігін басып кетті

Теміртау қаласында БТР жеңіл көлікті жаншып кетті. Оқыс оқиға көше қиылысында болған. Қатты жылдамдықпен келген әскери техника «Lada Priora» автокөлігін басып өте шыққан.

Жеңіл көлік жүргізушісі Теміртау қаласындағы №3 ауруханаға жеткізілді.  

Қазір полиция қызметкерлері болған жайттың жай-жапсарын анықтауда. Қылмыстық Кодекстің 345-бабы бойынша сотқа дейінгі тергеу амалдары басталды.

Руслан НҰРЛАНҰЛЫ