Атырау облысында үйлерін су басқан тұрғындарды қауіпсіз жерге көшіру жұмыстары аяқталды

Атырау облысының орталығында бірнеше күн бойы жауған жаңбырдың салдарынан үйлерін су басқан тұрғындарды қауіпсіз жерге көшіру жұмыстары аяқталды.

Апаттан зардап шеккен әлеуметтік нысандардың жұмысы қалпына келтірілуде. 

Төтенше жағдайдың алдын алу үшін 300 құтқарушы мен 150-ден астам арнайы техника жұмылдырылған. 

Жалпы, жаңбырдың салдарынан Атырау қаласындағы 119 тұрғын үй толығымен суға кетсе, 252 баспана жартылай зақымданған. Тұруға жарамсыз болып қалған үйлерден 482 адам қауіпсіз аймаққа көшірілді.

Қазір арнайы құрылған комиссия мүшелері апаттан келген шығынды есептеуде.

Батырбек ҚУАНДЫҚҰЛЫ