Көкшетауда көктемгі егіс жұмыстарын өткізу мәселелеріне арналған кеңес өтті

Көкшетауда көктемгі егіс жұмыстарын уақытылы әрі сапалы өткізу мәселелеріне арналған кеңес өтті.

Ақмола облысының ауыл шаруашылығы тауарларын өндірушілеріне Бараев атындағы институт ғалымдары, өсімдіктерді қорғау саласының мамандары ұсыныстарын айтты.

Өңірде алдағы егіс науқанына қажетті тұқым, жанар-жағармай қоры жеткілікті, техника толығымен жөндеуден өткен. Биыл мемлекет өсімдік шаруашылығына бөлінетін қаражат көлемін 1 миллиард теңгеге дейін ұлғайтты. 

Жоспар бойынша биылғы көктемгі егін науқаны 15 мамырда басталып, 5 маусымда аяқталады.

Ермек ЕЛБЕРГЕН