Ғабиден Мұстафин ауылында cу шайған үйлердің құрылысы басталды

Қарағанды облысының Бұқар жырау ауданына қарасты Ғ.Мұстафин ауылында су шайған үйлердің құрылысы басталды.

Жалпы, бұл ауыл бойынша 800-ден астам үйге зақым келсе, соның 272-і комиссия шешімімен қайта салынатын болды.

Дегенмен, күн өткен сайын су шайып, іргетасы сөгілген тағы бірнеше үйлер тұруға жарамсыз болып қалды. Сол себепті алдағы он шақты күнде комиссия қайта бағалау жүргізіп, тұруға жарамсыз баспаналарды анықтамақ.

Биылғы көктемде  облысқа қарасты бірқатар ауданның жер аумағы мен екі қаланы су басты. Зақымданған үйлер саны екі мыңнан асады.

Руслан НҰРЛАНҰЛЫ