Оралда жаңа әскери катер суға түсірілді

Орал «Зенит» зауыты тағы бір әскери кемені суға түсірді. Бұл шара салтанатты жиынмен өріліп, айлаққа көптеген қала тұрғындарын жинады. Зауыт 22 жыл ішінде 24 су көлігін құрастырып шығарды. «ФС-19» жобасындағы ұшқыр катер жылдамдықты 100 шақырымға дейін жеткізіп, айдында түрлі тактикалық маневрлар жасай алады.

Әрі бес балдық теңіз толқындарына шыдас береді. Катерге жергілікті жерде жасалған қару-жарақ пен уақыт талабына сай байланыс және бағамдау жүйесі орнатылған. Экипажы 4 адамнан тұрады. Таяу күндері жаңа кеме Жайық өзені арқылы Каспийге жол тартып, еліміздің теңіз қарулы күштерінің қатарын толықтырмақшы.

Рауан ДИӘЛИ