Елордада «Біз таза қаланы қолдаймыз» экологиялық акциясы өтті (толығырақ)

«Біз таза қаланы қолдаймыз» деп ұрандатқан астаналықтар да жалпықалалық сенбілікке шықты. Көктемгі тазалыққа 100 мыңға жуық қала түрғыны қатысып, көшелерді қоқыстан тазартты. Астана әкімі аппараты мен қалалық мәслихат қызметкерлері оқушылар сарайына іргелес аумақта 350 түп ағаш отырғызды.

Экологиялық айлықты елдорда әкімі бастап берді. Бүгін Әділбек Жақсыбеков  күнделікті костюм шалбарда емес, жұмыс киімін киіп, қолына күрек ұстап, тұрғындармен бірге қаланы қоқыстан тазартты.

Жалпы бұл шарада 5 мың кәсіпорын мен ұйым, 45 жоғары және орта оқу орны, 124 білім беретін мекеме, 161 ұлттық компания қызметкерлері белсенділік танытты.

Индира БЕГАЙДАР