Өскеменде «Қадірін Ата Заңның білеміз бе?» атты құқықтық әдебиеттер көрмесі өтуде

Көрмеге келген адамдар алғашқы дала заңдарының қалыптасуына көне дәуірдегі қандай мемлекеттердің құқықтық жүйесі әсер еткені туралы біле алады.

Жамбыл Артықбаев, Зардыхан Қинаятұлы, Тұрсын Сұлтанов сияқты ғалымдардың еңбектерінде Шыңғыс хан заңдарының мазмұны тереңінен ашылған.

Қазақ даласындағы саяси-құқықтық ойдың дамуындағы жаңа кезең болып саналатын Тәуке ханның «Жеті жарғысы» туралы да мол мағлұмат жинақталған. Көрме жұмысы жыл соңына дейін жалғасады.

Берік КӨШЕРБАЕВ