Букмекерлік кеңселерге салынатын салық көлемі ұлғайтылады

Бүгін Парламент Сенатының жалпы отырысында ойын бизнесі мәселелері бойынша Заң жобасы бірінші оқылымда мақұлданды.

Құжат бойынша интернет-казино қызметіне, оның ішінде еліміздегі шетелдік интернет-казино қызметіне тыйым салу белгіленеді.

Бұдан бөлек, ойын бизнесі саласында лицензия алу кезінде өтініш берушілердің талаптарын қатаңдату қарастырылады.

Сондай-ақ, құжат букмекер кеңсесі және тотализатор кассаларынан алынатын салықты 75 айлық есептік көрсеткіштен 150 айлық есептік көрсеткішке дейін ұлғайтуды көздейді.

Индира БЕГАЙДАР