Елімізде 1 сәуірден бастап әскерге шақыру маусымы басталады

Орталық коммуникациялар қызметіндегі брифингте Қарулы күштердің бас штабы, жасақтау басқармасының басшысы Амантай Өсербаев мәлімдеді.

Отан алдындағы борышын атқаратын ер жігіттеріміз баратын әскери бөлімдер де белгілі болды.

Республика көлемінде 18-28 жас аралығындағы 1,5 миллион азамат тіркелген. Олардың ішінде 400 мыңы әскери қызметке дайын. Дегенмен, көктемгі шақыру маусымы кезінде 29 мың бозбала әскер қатарына шақырылады деп күтілуде.

Айта кетейік, жастар арасында әскерге барғысы келетіндердің қарасы көп.