Жамбыл облысында қатты жел бірнеше ғимараттың шатырын ұшырып әкетті

Жамбыл облысында қатты желдің салдарынан төрт ауданда төтенше жағдай жарияланды. Кеше күндіз басталған жел секундына 30 метр жылдамдықпен соққан.

Табиғи апат Қаратау қаласындағы жеті көппәтерлі үйдің шатырын жұлып әкеткен.

Тұрғындар бес сағаттан аса уақыт жарықсыз отырды.  

Аудан бойынша ең ірі Майтөбе, Тамды, Қасқабұлақ және Есейхан ауылдары тұрғындарының хабарлауынша, онда әлі жөндеу жұмыстары басталмаған.

Қазіргі уақытта аудандарда арнайы құрылған комиссия жұмыс істеуде.

Сәбит ӘЛДЕБАЙ