Галина Вахрина 35 жыл бойына жүк көтеретін кранды ұршықша үйіріп келеді

Өйткені жүк көтеретін кранның кез келгенінің тізгінін бекем ұстап, ауыр бетон плиталарды қалаған тұсыңызға қолмен қойғандай етіп орналастырып береді.

Алпыстың асқарынан асқан Галина Владимировна соңғы 23 жылдан бері «Единство» жауапкершілігі шектеулі серіктестігінде еңбек етеді.

Ұжым басшылығы жасы келсе де тәжірибелі маманды жұмыстан босатпай ұстап отыр. Бай тәжірибесін үнемі жастарға үйретеді.

Бірақ өзінің де бұл кәсіпті қалай игеріп, қандай қиындықтарға тап болғанын есінен шығармайды. 

Галина Вахрина адам талаптанса ешқандай мамандықтың қиындығы жоқ деп есептейді. Ең бастысы адамда ынта мен жігер болу керек, сонда ғана еңбегің жанады дейді мәртебелі кәсіп иесі.

Сағындық СӘБИТҰЛЫ