Щучье қаласында «Қазақтелеком» қызметкерлерінің арасында қысқы президенттік көпсайыс бойынша жарыс өтті

Аудандық, қалалық, облыстық бөлімшелерде болған іріктеу сындарынан сүрінбей өткен 50-ден астам қызметкер республикалық сайыста шаңғы тебу, оқпен ату, күш гимнастикасы және командалық эстафета бойынша өзара мықтыны анықтады.

Шаңғы тебуде ерлер 5 шақырымды еңсерсе, әйелдер 3 шақырымды артқа тастады.

Турнир төрешілерінің айтуынша, қатысушылардың деңгейі өткен жылмен салыстырған едәуір өскен.

Бұл жарыс екінші жыл қатарынан ұйымдастырылуда. Сайыстың мақсаты – компания қызметкерлерінің арасында бұқаралық спортты дамытып, салауатты өмір салтын қалыптастыру. 

Ермек ЕЛБЕРГЕН