«Нұр Отан» партиясының XVI съезіне 1200-ден астам делегат қатысады

«Нұр Отан» партиясының кезекті XVI Съезіне Қарағанды облысынан 100-ден астам делегат қатысады.

Солардың қатарында Теміртаудағы металлургиялық комбинаттың жұмысшысы Ақан Еспатаев та бар.

Ол келелі саяси жиында 14 мыңға жуық адам еңбек ететін үлкен ұжымның ұсыныс-пікірлерін жеткізбек.

Ақан Еспатаев қоғамдық жұмыстарға да белсене араласады. «Нұр Отан» партиясының мүшесі ретінде ол құрышты қаладағы барлық іс-шараларға атсалысып жүр.

Енді еліміздің барлық өңірінен 1200-ден астам делегат жиналатын партияның тарихи Съезіне қатысу мәртебесіне ие болды.

Бұл оның өзіне көрсетілген сенім мен зор жауапкершілік екенін жақсы сезінеді.

Руслан НҰРЛАНҰЛЫ