Жаңалықтарды Telegram арнамыздан оқыңыз!Жыл басынан бері Астана қаласының жолдарында 23 жаяу жүргінші жәбірленді. 12 деректе жаяу жүргіншілер анықталмаған жерден жүгіріп өткен. Осыған орай жол-патрульдік полициясы жолдағы қауіпсіздік шаралары күшейтті.
Қазіргі таңда полицейлер тәртіп бұзған адамдарға жай ғана ескерту жасап қоймай, оларды бірден әкімшілік жауапкершілікке тартады. Жолды анықталмаған жерден кесіп өткені үшін 9 910 теңге айыппұл төлейді.
Егер әкімшілік жазаға салынғаннан кейін, бір жылдың ішінде заң бұзушылық қайталанатын жағдайда, айыппұл шамамен 30 мың теңгеге дейін жетеді.
Жыл басынан бері жол жүру ережесін бұзғаны үшін 2 591 жаяу жүргінші анықталды. Оларға қатысты жалпы сомасы 25,5 миллион теңге айыппұл салынған.
Индира БЕГАЙДАР
