Әнуәрбек Майшыбаев пен Ағзияш Таубалдиева тағдырдың тауқыметіне мойымаған жандар

Әнуәрбек біраз жыл бұрын жол апатына түсіп, арбаға таңылса, Ағзияш буын ауруының салдарынан жүріп-тұруы ауырлаған.

Екі жас бір-бірінен алыста болса да, ғаламтор арқылы танысып, 5 жыл бұрын отбасын құрды. Қазір ауылдастары құрметтейтін жарасымды жұпқа айналды.

Екеуі ақылдасып, Әнуарбек үйден түрлі коммуналдық қызмет көрсету төлемақыларын қабылдайды. Жақында бастаған ісі жақсы жүріп жатыр.

Ал, Ағзияш болса киім тоқып сата бастаған. Сапалы дүниеге қызығушылық танытып, тапсырыс беріп жатқандар көп.

Енді екі жас бастаған кәсіптерін одан әрі дамыта түсуді жоспарлауда.

Ержан ЖАҚЫП