Мәжіліс депутаттары Елбасыға Үндеу жолдады (толығырақ)

Мәжілістің жалпы отырысында қаралатын күн тәртібіне өзгеріс енгізуді сұрап әуелі депутат Жұматай Әлиев сөз алды.

Ол – Ассамблеяның президент сайлауын биыл өткізу туралы ұсынысты бірінші кезекте қарауды сұрап, барша депутаттан қолдау тауып, мінберге шықты.

Осыдан кейін бірнеше депутат сөз алып Ассамблея ұсынысына қолдау танытты.

Мәжіліс депутаттары бұл сайлаудың Қазақстанның мемлекеттігін одан әрі нығайта түсу жолындағы аса маңызды стратегиялық шешім деп, сенімді екендіктерін жеткізді.

Ассамблея Кеңесінің ұсынысы Парламенттің төменгі палатасында толықтай қолдауға ие болып, Президентке жолданған Үндеуге қатысты қабылданған қаулыға да барлық депутаттар қолдап дауыс берді.

Ғабит ҰЗАҚБАЙ