Бірлігі жарасқан ұлт қана ұлы мұраттарға жетеді – Серік Нөгербеков

Әлем жұртын әбігерге салған дағдарыс Қазақстан үшін қауіпті емес. Керісінше, босаңсып кеткен кейбір органдардың етек-жеңін жиюына игі әсер етпек. Бүгінгі күннің басты тақырыбына тоқталған депутат Серік Нөгербеков осылай деді.

Президент Үкіметтің бірлескен отырысында жұртты мазалаған сұрақтарға жауап берді. Бірінші кезекте, артық шығындарды кемітіп, Үкіметке үнемдеп үйренуді шегелеп тапсырды. 

Соған сай, бюджет 10 пайызға ықшамдалады. Яғни, 700 миллиард теңгенің инвестициялық жобалары аз уақытқа кейінге шегеріледі.  Бұл орайда, «Нұрлы жол» бағдарламасының отандастарымызға мол мүмкіндіктер ұсынып отырғаны анық.