Орал қаласындағы ескірген коммуналдық желілер жаңартылмақ

Орал қаласының әкімі Алтай Көлгінов өткен жылы атқарылған шаралардың биыл да назардан тыс қалмайтынын  мәлімдей келе, «Әрине, жетістікте бар, кемшілікте жоқ емес. Өткен жылы шаһардағы жолдарды жөндеу бойынша іргелі істер тындырылды»,-деді.  4,9 миллиард теңгеге ұзындығы 44 шақырым болатын 25 көше жаңғыртылғанын нақты цифрлармен көрсетті.

Жаңадан көпқабатты жеті үй салынып, 13-і «Тұрғын-үй коммуналдық кешенін жаңарту» бағдарламасы бойынша жөндеуден өтті. Бұл бағыттағы жұмыстар жалғасады. Тағы бір маңызды сала, биылғы жылы ескірген коммуналдық желілер жаңаға алмастырылмақ.

Рауан ДИӘЛИ