Елбасы мемлекеттік қызметті бизнеске айналдырмауды ескертті

Мемлекеттік қызметкерлердің жұмысы бизнеске айналмауы тиіс.

Үкіметтің кеңейтілген құрамдағы отырысында Елбасы Нұрсұлтан Назарбаев мемлекет қаржысын таныстарының фирмаларына, достары мен  туысқандарына үлестіруге жол берілмеу керек екенін ескертті.

Сонымен қатар, Елбасы, мемлекеттік қызметке алу кезінде заң және тиісті тәртіптерді қатаң орындауды тапсырды.

Президент кейбір шенеуніктердің қасындағы командасымен көшіп жүретінін де сынға алып, мұндай тәжірибені жою керектігін айтты.

Берік КӨШЕРБАЕВ