2014 жылы авторлық құқықтарды тіркеудің саны артты

Мәселен, әдеби шығармаларды меншіктеу 18 пайызға, ғылыми және оқу әдебиеттерін тіркеу 32 пайызға көбейген.

Бұл туралы Әділет министрлігінің алқа мәжілісінде мекеме басшысы Берік Имашев мәлімдеді.

Сондай-ақ, соңғы 3 жылда патенттеуге бағытталған өтінімдер саны артқан. 2011-2012 жылдары бұл көрсеткіш жылына 1600-ден аспаса, 2013 жылдан бастап кемінде 2000 өтінімді құрауда.

Былтыр Министрлікте қаралған атқарушылық құжаттар саны – 1 миллион 615 мың.

Олардың басым бөлігін әкімшілік айыппұлдар, қылмыстық сот өндірісі шеңберіндегі өндіріп алулар және алименттер құраған.

Жазира ДОСМАҒАНБЕТ