Оңтүстік Қазақстан облысында банкоматтан ірі көлемде ақша ұрланды

Оңтүстік Қазақстан облысында 7,5 миллион теңге қолды болды.  Оқиға Шардара қаласында түнгі уақытта болған.

Ірі көлемдегі қаражат дүкенге орнатылған банкоматтан ұрланған.

Әзірге белгілісі, қаражат «Қазақстан Халық Банкінің» аудандық бөлімшесіне тиесілі. 

Бірақ, оны кім және қалай алып кеткені туралы ақпарат жоқ.

Күдіктілерді іздестіруге өңірдің барлық тәртіп сақшылары жұмылдырылды.

Айнұр АҚБАЕВА