Астана қаласындағы Алматы ауданының әкімі 2014 жылды қорытындылады

Сағын Бекбол Алматы ауданында 92 ірі және орта өнеркәсіп ошағының жұмыс істейтінін айтты.

Ауданға қарасты кәсіпорындар былтыр 196,7 миллиард теңгенің өнімін өндірген.

Тұрғын үй-коммуналдық мәселелер де назардан тыс қалмады. 2011-2014 жылдар аралығында жаңғырту бағдарламасы аясында аудан бойынша 31 тұрғын үй жөндеуден өткен.

Сағын Бекбол, Алматы ауданының әкімі:

Білім ошақтарындағы орын тапшылығын азайту мақсатында №72, №73 және №74 жаңа мектептері салынды. Осылайша, мектептерде орын тапшылығы 3600 орынға азайды.

Сонымен қатар, 2015 жылы ауданда Ахмет Байтұрсынұлы көшесі бойында 1200 орындық мектептің құрылысы мен №22 мектепке қосымша 525 орындық ғимарат салу жоспарлануда.