Шымкентте тоғыз жастағы баланы пойыз қағып кетті

Шымкентте «Астана-Сарыағаш» бағытымен келе жатқан жолаушылар пойызы қала маңында тоғыз жасар баланы қағып кетті.

Қайғылы оқиға таңғы сағат 07.30 шамасында болған. Соның салдарынан 3-сыныптың оқушысы оқиға орнында қайтыс болды.  

Төтенше жағдайға байланысты пойыз 10 минутқа тоқтаған.  

Қазір оқиға бойынша желілік Ішкі істер қызметкерлері тергеу амалдарын жүргізуде.    

Айнұр АҚБАЕВА