Қызылордада балалар дәрігері жетіспейді

Қызылордадағы №3 емханасы 60 мың халыққа қызмет етеді. Оның ішіндегі бала саны – 17 мың. Осы 17 мың бүлдіршінге небәрі 8 балалар дәрігері қызмет көрсетеді.

Бақыткүл Ізбасарова – 20 жылдық тәжірибесі бар маман. Күніне 4 сағат қабылдау жүргізеді, қалған 4 сағатында аймақтарды аралайды. 

Тиісті талап бойынша әрбір дәрігер сағатына 5 баланы қабылдап, қарауы қажет. Бірақ, Бақыткүл Ізбасарова онымен шектелмей, Гиппократ антына адалдығын танытып, артық жүктемемен жұмыс істейді.

Ақерке БЕРІКБЕКҚЫЗЫ