Атырауда 21 оқушы белгісіз газдан уланды

Алдын ала болжам бойынша, төтенше жағдай мектептің фойесінен басталған. Белгісіз газдан алдымен кіре берісте отырған мектептің қызметкері уланған. Содан соң, оқушылар зардап шеккен.

Мамандардың айтуынша, Исатай Тайманұлы атындағы орта мектептің оқушылары белгіссіз, иіссіз газдан уланған. Қазір 21 оқушы облыстық балалар ауруханасына жеткізілген.

Дәрігерлердің жіті бақылауында болған балалардың барлығы аман-есен үйлеріне жіберілген.

Ал, Атырау қалалық білім беру бөлімінің берген ресми мәліметі бойынша төтенше жағдай мектеп оқушысының газды баллонды қолдану салдарынан орын алған. Ол бала өзінің кінәсін мойындап отыр.

Батырбек ҚУАНДЫҚҰЛЫ