Шығысқазақстандық Қанат Мұқамадиев екі түз тағысын тірідей ұстап алған

Қанат Мұқамадиев құмай тазыларымен түз тағыларының талайын алған. Алайда, ауылдың малына қырғидай тиетін азулы жыртқыштар азаяр емес.

Қазір қорада байлаулы тұрған екі қасқырды 33 жастағы жігіт қара күзде үйге шөп тасып жүргенде ұстап алған.

Тірі қасқырлар туралы естіп, шағын елді мекенге арнайы келетін адамдар да аз емес. Қанат енді көкжалдарды үйдегі итпен будандастырып, жақсы күшік алуды жоспарлауда.

Шеңгелді ауылындағы ел-жұрттың айтуынша, қасқырды тірідей ұстап алу үшін адамның жүрегі түкті болуы керек.

Берік КӨШЕРБАЕВ