Тәуелсіздік күнін Шығыс Қазақстан облысының халқы тойлады

Патриоттық әндер де шырқалды, әдемі билер де болды.

Концертпен қоса, орталық алаңда қолөнер шеберлері жасаған бұйымдардың көрмесі, ауыл шаруашылығы өнімдерінің жәрмеңкесі де ұйымдастырылды.

Шырайлы шығыс өңірін соңғы екі-үш күннен бері сарышұнақ аяз қыспаққа алғанымен, Өскемен қаласының орталық алаңына жиналған халықтың қарасы қалың.

Барлығы шат-шадыман көңіл күймен осы жердегі мерекелік бағдарламаларды тамашалауда.

Кешке орталық алаңда тағы бір үлкен концерт ұйымдастырылып, жылдағы дәстүр бойынша, мерекелік отшашумен аяқталады.

Берік КӨШЕРБАЕВ