Жаңалықтарды Telegram арнамыздан оқыңыз!Түгіскен ауылының оқушылары жаңа мектепке ауысты. Бұл елді мекенде бала саны көп. Бұрынғы мектеп үйі әбден тозығы жеткен соң жаңа ғимарат салына бастаған еді.
Қаржы болмай құрылысы тоқтап қалған сол нысан демеушілік есебінен 40 миллион теңгеге жөнделді. Жаңа білім ошағы заманауи талапқа сай оқу құралдарымен жарақталған.
Ал, ауданға қарасты Жұмажанов ауылында 120 орындық жаңа Мәдениет үйі салтанатты түрде ашылды. Бұл нысан да демеушілік қаржы есебінен 20 миллион теңгеге салынған.
Жаңа білім және мәдениет ошағынан да келешекте талай таланттардың түлеп шығатыны даусыз, дейді сала мамандары.
Руслан НҰРЛАНҰЛЫ
