Бердібек Сапарбаев іс сапармен Батыс Қазақстан облысына барды

28 қарашада аталған ауыл мектебінде балалардың белгісіз газдан улануы тіркелген.

Алғашқы күндері сабақ тоқтатылғанмен, тиісті тексерулерден соң қайта жалғасты.

Алайда, сегіз бала әлі күнге дейін ауруханада ем алуда. Ал, 50 оқушы «Ақжайық» шипажайына жіберілді. Оқыс оқиғадан кейін тұрғындар әлі алаңдаулы.

Ауыл халқымен кездескен Бердібек Сапарбаев, төтенше жағдайдың себеп-салдарын облыстық және республикалық комиссиялардың тексеріп жатқанын жеткізді.

Рауан ДИӘЛИ