Маңғыстау өңіріне аққулардың алғашқы легі ұшып келді

Іргедегі «МАЭК-Қазатомпром» мекемесінен бөлінетін жылы судан пайда болған жасанды көл құстардың қыстап шығуына өте жайлы.

50 жылдан бері еліміздің «Қызыл кітабына» енген қанаттылардың 100-ден аса түрінің осында мекендейтіні де сондықтан.

Қорек іздеген аққулар көп ұзамай Каспийдің жағасына жақындайды. Ақтаулықтар оларды қолдан тамақтандырып мәре-сәре болады.

Аққулар теңізде ерте көктемге дейін жүреді. Күн жылына бастағанда 9 мың метр биіктікке дейін көтеріліп, сағатына 90-100 шақырым жылдамдықпен ұшып, солтүстікке бет алады.

Жазира ӘБІЛ