Болгарияда 86 көлік соқтығысып, 12 адам қаза тапты

Болгарияның «Тракия» автомагистралінде қою тұман салдарынан екі ірі жол апаты болып, 86 көлік бір-біріне соғылған. Апаттан 12 адам қаза тауып, тағы 50 адам ауруханаға жеткізілді. Алдымен жүк көлігі мен жолаушылар автобусы соқтығысқан. Кейін басқа көліктер соғылған. Билік өкілдерінің мәліметінше, апатқа қалың тұман салдарынан көріну деңгейінің төмендеуі себеп болған. Апатқа байланысты автомагистральдің екі бағытындағы қозғалыс тоқтатылды.