Екі бүйрегі істен шыққан науқасқа елордаға қатынау қиындық тудырып келеді

Ақмола облысы, Қорғалжын ауданына қарасты Оразақ ауылында екі бүйрегі істен шыққан науқас тұрады.

52 жастағы Жаңабай Өтеулиннің ауыр дертпен күресіп келе жатқанына 8 жыл болды. Оның өмірін жасанды бүйрек қана сақтап тұр.

Науқас диализ қабылдау үшін екі күн сайын Астанаға келеді. 60 шақырым жол ол үшін өте қауіпті.

Қыстың көзі қырауда ауылдан шығатын жалғыз жолды қар басып тастайды. Жаңабай Өтеулиннің сол сәттегі қиналысын сөзбен жеткізу мүмкін емес.

Сәуле АЛДАМҰРАТҚЫЗЫ