Оралда бұралқы иттер бір қора қойды қырып тастады

Түнде қабырғаны тесіп кірген иттер 60 қой мен 10 ешкіні жарып тастаған. Оқыс оқиғаны үйдің иелері таңертең байқаған.

Таяқ алып қумағанда, қалған малды да жайратып тастар еді, дейді Нұрғали Темірғалиев.

Қазір  олардың өлексесі мал моласына апарылып, тиісті құжаттар толтырылды.

Сондай-ақ, қой-ешкіні қырып кеткен екі ит атылып, иесі анықталды. Зардап шеккен отбасына келтірілген шығынның көлемі анықталуда.

Рауан ДИӘЛИ