Жаңалықтарды Telegram арнамыздан оқыңыз!Астанадағы дәстүрлі ауыл шаруашылығы жәрмеңкесін Ақмола облысы қорытындылады. Өңірдің 17 ауданы мен 2 қаласынан еңбеккерлер түгел қатысқан жәрмеңкеде барлығы 50-ден астам өнім ұсынылды.
Бағасы да нарықтағымен салыстырғанда 15-20 пайызға арзан. Арнайы 120 сауда шатыры құрылып, 500 тоннадан астам өнім саудаланды. Бағасы да қалтаға шақ. Мәселен, ұнның 1 келісі 70 теңге, қант 140 теңгеден.
Жәрмеңкеге 300-ден астам кәсіпорын қатысып, 118 миллион теңгенің өнімін алып келді. Оның ішінде 83 тонна ет, 4,5 тонна балық, 213 мың дана жұмыртқа, 20 тонна сүт өнімдері, 50 тонна ұн, 190 тонна картоп, 90 тоннаға жуық көкөніс, 9 мың литр өсімдік майы бар.
Индира БЕГАЙДАР
