Бейбіт күннің әр сағаты – қисапсыз байлық

Қос жанарынан айырылғаны болмаса, 92 жастағы қария әлі тың. Көңілі қалағанда музыка аспабында ойнағанды ұнатады.

Георгий Николаев майданға Шығыс Қазақстан облысынан, 19 жасында аттанған. Артиллерия әскері қатарында Ленинград қоршауын бұзуға қатысты. Мұнан соң Еуропаны көктей өтіп, Берлинге дейін жеткен.

Талай қанды шайқастан аман шыққан сарбаз соғыс аяқталған соң да әскер қатарында қалып, елге тек 1947 жылы оралыпты.

Бейбіт заманда ауыл шаруашылығы саласында еңбек етті, үш бала тәрбиелеп өсірді. Кейінгі ұрпақ тыныштықтың қадірін білсе, деп тілейді.

Дәуренбек ӘБДІБЕК