Сырым ауданының алты ауылына газ тартылды

Батыс Қазақстан облысының Сырым ауданында алты ауылға көгілдір отын берілді. Аудан халқының газбен қамтылуы 45-тен 62 пайызға өсіп отыр.

Газ желісі алты ауылға жетті. Осы арқылы барлығы 4 мыңға тарта адам табиғи газды тұтынуға мүмкіндік алып отыр. 100 шақырымнан құбырды тартуға бюджеттен 621 миллион теңге жұмсалған.

Келесі жылы аудан халқының газбен қамтылуы 90 пайызға жеткелі отыр. Бұл бірінші кезекте аудан тұрғындарының тұрмысының түзеліп, ауыл-аймақтағы инфрақұрылымының, шағын және орта бизнестің дамуын жол ашатын болады.

Рауан ДИӘЛИ