Алматы облысының Талғар ауданына газ берілді

Енді 400 мыңға жуық тұрғын көмір орнына газ тұтынады. Алматы-Байсерке-Талғар магистральды газ құбыры іске қосылды. Игі шара бұл өңірді 2020-шы жылға дейін кешенді газдандыру бағдарламасы аясында жүзеге асырылды.

«ҚазТрансГаз» АҚ мен өңір бірлесе қолға алған Алматы-Байсерке-Талғар газ магистральі тұрғындардың 30 пайызын көгілдір отынмен қамтитын болады. Ұзындығы 64 шақырымдық құбыр Талғар ауданы мен Іле ауданының Байсерке ауылын жалғайды.

Бұл жақсылықты келер жылы Талдықорған жұртшылығы да көреді. Қазір онда ұзындығы 262 шақырым сапалы құбыр тартылуда. Онан соң Қапшағай қаласына жалғасады.

Жазира ИСАЕВА