Атырау мен Батыс Қазақстан облысытарының жәрмеңкесі өтті

Атырау мен Батыс Қазақстан облыстары жәрмеңкеге 700 тоннадан астам өнім әкеліпті. Оның 130-ы Атырауға тиесілі, көбі балық.

Әр дүңгіршектегі кезектің көбі, сонша, ол жерде жарты сағат, тіпті кейбіреулері 1 сағатқа дейін тұрыпты. «Азық-түлік біздегіден 20 пайызға арзан»,- дейді тұрғындар.

Арзандатылған жәрмеңкеде картоп, пияз, сәбіз, қызылша, қырыққабаттың келісі 50-60 теңгеден сатылды. Еттің бағасы 1100 теңгеден аспайды. Сүт өнімдері де әлдеқайда арзан. Мұны өз көзімен көрген қала әкімі ұйымдастырушаларға жоғары баға берді.

Келесі аптада Солтүстік Қазақстан мен Қызылорда облыстарының ауылшаруашылық тауар өндірушілері келеді.  

1-қарашада Астанадағы жәрмеңкелер маусымын Ақмола облысы қорытындылайды.

Сәуле АЛДАМҰРАТҚЫЗЫ