Петропавлда қалың қар түсті

Петропавлда бүгін қалың қар түсті. Көктайғақ кесірінен қалаға кіре беріс жолдарда кептеліс пайда болды. Сол себепті таңертеңнен коммуналдық мекемелер қар тазалау, құм себу жұмыстарына кірісті. Қала жолдарын тазалауға 28 техника шығарылды. Дәл қазір ақ ұлпа ери бастаған.  Синоптиктердің болжамдары бойынша, ертең ауа температурасы 8 градусқа дейін төмендеуі мүмкін. Демек көшелердің көктайғаққа айналуы ғажап емес.