Батыс Қазақстан облысы тұрғынында күйдіргі диагнозы нақтыланды

Бұған дейін Батыс Қазақстан облысында күйдіргі дертін жұқтырды деген күдікпен әйел адамның ауруханаға жатқызылғанын айтқан болатынбыз. Зертханалық тексеру барысында диагноз расталып отыр.

Осыған байланысты Жәнібек ауданында әйелмен қарым-қатынаста болған екі адам бақылауға алынып, төрт тұяқ мал тексеруден өткізілді.

Әзірге қосымша қатерлі дертке шалдыққандар тіркелген жоқ. Ал, облыстық жұқпалы аурулар ауруханасында жатқан науқастың жағдайы қалыпты дейді, дәрігерлер.

Рауан ДИӘЛИ