Бұрынғы вице-министр 10 жылға бас бостандығынан айырылды

Астана қалалалық қылмыстық істер жөніндегі мамандандырылған ауданаралық сотында бұрынғы Ауыл шаруашылығы вице-министрі Мүслім Өмірияевті 10 жылға бас бостандығынан айыру туралы үкім шағарылды.

Ол жазасын қатаң режимдегі колонияда өтейтін болады. Бостандыққа шыққаннан кейін 7 жыл бойы мемлекеттік қызметке араласу құқығынан айырылды.

Еске сала кетейік, бұрыңғы вице-министрге қатысты қылмыстық істі тексеру өткен жылдың желтоқсан айында басталып, биылғы жылдың мамырында аяқталған еді. Осы уақыт бойы Мүслім Өмірияев тергеу изоляторында қамауда болды.

Қаржы полициясының қызметкерлері оны өз пәтерінде кәсіпкерден 100 мың доллар мөлшерінде пара алып жатқан жерінен қолға түсірген.

Нұрбек БЕКБАУ