Астанада «Өмір сүргім келеді» көрмесі ұйымдастырылды

Көрменің ерекшелігі - туындылардың авторы «жасанды жүрек» иесі Гүлмира Смайылова.

26 жастағы Гүлмира Смайылова өз туындыларын алғаш рет келушілер назарына ұсынды. Онда 10-нан астам картина қойылған. Сурет салумен айналысатын Гүлмираның арнайы білімі жоқ. Бірақ өмірге деген құлшынысы ерекше. Бүгінгі көрме соған дәлел.

Гүлмира тәрізді трансплантациялауға мұқтаж науқастар саны күн санап артып келеді. Әсіресе, жүрек, бүйрек, соңғы кездері бауыр алмастыруға зәру жандар көп. 

Республика бойынша бүйрек донорына зәру 1762 адам болса, соның ішінде 49-ы балалар. Ал бауыр 573 адамға, жүрек 96 адамға қажет. 

Айғаным АЛИПОВА