Атырау облысында 280 орындық балабақша пайдалануға берілді

Атырау облысының Махамбет ауданында заманауи үлгідегі 280 орындық балабақша пайдалануға берілді. Бұл нысан аудандағы 17-ші балабақша.

Айта кету керек, жыл соңына дейін аудан орталығында тағы дәл осындай бүлдіршіндерге арналған мектептке дейінгі мекеме тапсырылмақшы. Сондай-ақ, алдағы уақытта ауданға қарасты Таңдай, Алмалы ауылдарында да балабақшалар салынатын болады.

Бұдан басқа, бұл күні жас мамандарға қос пәтерлік 5 үйдің кілттері табысталды. Биыл Махамбет селосында жас мамандарға арналған  көп қабатты 60 пәтерлік үйдің құрылысы басталады.

Батырбек ҚУАНДЫҚҰЛЫ